Lambakjötssúpa með tómötum og gulrótum

Í þessa súpu má auðvitað nota súpukjöt en ekki er síðra að nota kjöt af lambaframhrygg, sem er úrbeinað og fituhreinsað að nokkru leyti og síðan skorið í minni bita. Beinin má svo nota til að búa til gott lambasoð sem haft er sem grunnur í kjötsúpuna.

table with empty plate, a knife and fork onto a napkin and a small bowl with salt in it

Hráefni

 800 g lambakjöt, t.d. framhryggjarsneiðar
 1 msk. olía
 250 g gulrætur
 1 dós tómatar, heilir
 1 tsk. herbes de provence eða ítölsk kryddjurtablanda
 nýmalaður pipar
 salt
 8 dl lambasoð (sjá uppskrift)
 basilíkublöð

Leiðbeiningar

1

Takið kjötið af beinunum (notið þau til að gera soðið) og fitusnyrtið það e.t.v. eitthvað ef þarf. Skerið það í gúllasbita og geymið í kæli þar til soðið er tilbúið. Hitið olíuna í víðum potti og brúnið kjötið vel. Skerið gulræturnar í ræmur eða bita og setjið út í ásamt tómötunum og safanum úr tómatdósinni. Kryddið með kryddjurtablöndu, pipar og salti. Mælið soðið, bætið við vatni ef þarf til að það nái 8 dl, hellið því yfir og hitið að suðu. Látið malla við hægan hita undir loki í 50-60 mínútur, eða þar til kjötið er vel meyrt. Smakkið þá súpuna, bragðbætið með pipar og salti eftir þörfum, stráið saxaðri basilíku yfir og berið fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​