Lambakjötssalat með kirsuberjatómötum

Skerið kjötið í 2-3 bita. Hrærið saman í skál rauðvínsediki, balsamediki og hvítlauk, setjið kjötið út í og látið standa í a.m.k. hálftíma. Snúið kjötinu öðru hverju. Hitið á meðan ofninn í 220°C. Dreifið kirsiberjatómötunum á pappírsklædda bökunarplötu eða í eldfast fat, ýrið 1 msk. af olíu yfir og kryddið með pipar og salti. Setjið í ofninn í um 10 mínútur, eða þar til tómatarnir eru farnir að taka lit og eru alveg meyrir í gegn. Takið þá út og látið kólna. Takið kjötið síðan upp úr kryddleginum og þerrið það létt með eldhúspappír en geymið löginn. Kryddið kjötið með pipar og salti. Hitið 1 msk. af olíu á pönnu og steikið kjötið við fremur háan hita í um 2 mínútur á hvorri hlið (fyrir kjöt sem er rautt í miðju). Takið það af hitanum og látið bíða nokkra stund. Hellið kryddlegi og basilolíu á heita pönnuna og látið standa smástund. Dreifið salatblöðunum á fat. Skerið kjötið á ská í mjög þunnar sneiðar og dreifið því yfir salatið ásamt tómötunum. Hellið vökvanum af pönnunni yfir og dreifið e.t.v. söxuðum pistasíuhnetum yfir allt saman.

fillet filet fille file