Lambahjörtu með paprikusósu

Lambakjötið er „inn“ í haust. Í nóvember blaði Gestgjafans kynnir Úlfar Finnbjörnsson, matreiðslumeistari gómsæta rétti úr nýju lambakjöti og innmat.

Hráefni

800 g lambahjörtu

salt

nýmalaður pipar

2 msk. olía

2 beikonsneiðar, skornar í bita

1 rauð paprika, skorin í bita

1 msk. paprikuduft

4 dl vatn

1 dl rjómi

1 krukka grilluð paprika, safi sigtaður frá

sósujafnari

Skerið hjörtu til helminga og hvern helming í 7-8 lengjur.

Skerið himnur og fitu frá.

Kryddið hjörtun með salti og pipar og látið krauma á vel heitri pönnu í 2 mín.

Bætið beikoni og paprikubitum á pönnuna og látið krauma í 30 sek. til viðbótar.

Bætið vatni á pönnuna og látið malla við vægan hita í 1 klst.

Hellið rjóma og grillaðri papriku á pönnuna og þykkið með sósujafnara.

Berið fram t.d. með kartöflumús og salati.