Lambaframhryggjarsneiðar með kanil, kummin og óreganói
Ljúffeng og framandi uppskrift úr smiðju Úlfars Finnbjörnssonar úr júlí tölublaði Gestgjafans.
- 4
Hráefni
1,2 kg lambaframhryggjarsneiðar
4 msk. olía
2 hvítlauksgeirar, pressaðir
¾ tsk. kanill, steyttur
1 tsk. kóríander, steytt
1 ½ tsk. kumminfræ, steytt
3 msk. óreganó, smátt saxað, eða 1 ½ msk. þurrkað
1 tsk. paprikuduft
¾ tsk. chili-duft
Leiðbeiningar
1
Raðið framhryggjarsneiðum á ofnplötu. Blandið saman olíu og kryddi og penslið kjötið með kryddblöndunni. Geymið við stofuhita í 1-2 klst. Grillið á meðalheitu grilli í 7-9 mín. á hvorri hlið. Berið fram með kummin- og óreganósósu og t.d. grilluðu grænmeti og kartöflum.
2
Kummin- og óreganósósa:
3
1 dl majónes
1 dl sýrður rjómi
1 dl ab-mjólk
2 msk. óreganó
1-2 hvítlauksgeirar
1 tsk. kummin, steytt
1 msk. sítrónusafi
1 msk. hunang
salt
nýmalaður pipar
Setjið allt í matvinnsluvél og maukið vel saman.
4
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson