Lambafajitas- með jógúrtsósu og tómatsalsa

Skerið lauk, papriku og chilli niður eftir smekk. Setjið olíu á heita pönnu og steikið grænmeti. Steikið kjötið á grillpönnu og bætið síðan kjötinu út á grænmetið. Látið malla í 1-2 mín. Gott er að nýta uppáhaldskryddið í réttinn, eins og hver vill.
Hitið tortillur og setjið saman að vild.

Meðlæti

1 haus af lambhaga salati

Guacamole

1 lárpera (avokató)
3 msk ólífuolía
½ chilli
1 sítróna

Flysjið lárperu og skerið niður. Setjið í matvinnsluvél ásamt olíu, sítrónusafa og hrærið vel. Saltið að vild. Saxið chilli smátt niður og blandið saman við í lokin.

Jógúrtsósa

1 hrein jógúrt
½ gúrka
10 myntublöð
½ tsk kúmen

Takið kjarnann innan úr gúrkunni. Maukið allt gróflega saman í matvinnsluvél. Saltið að vild.

Tómatsalsa

4 tómatar
1 skarlottulaukur
½ chilli
1 tsk Tabasco
1 búnt kóríander – ferskt
1 msk balsamik edik
3 msk ólífuolía.

Skerið tómata smátt og setjið í skál. Saxið skarlottulauk, chilli og kóríander og blandið saman við. Bætið vökvanum útí og saltið að vild.