Lamba snitsel með kremuðu hvítkáli

Leggið lambamínútusteikurnar á skurðarbretti og skerið raufar með stuttu millibili ofan í sneiðina en ekki alla leið, átt að geta flett þeim eins og bók. Eða notið kjöthamar til að fletja sneiðarnar svo þær verði u.þbþ 1,5 cm þykkar.

Setjið egg og mjólk í fat og kryddið með salti og pipar, þeytið með gaffli svo blandist vel saman.Setjið hveiti og rasp í sitthvort fatið og raðið fötunum í röð: hveiti, eggjablöndu og síðast rasp.

Leggið lambakjötið í hveitið, svo í eggin og síðast í raspinn og leggið á hreint fat, endurtakið þar til allar sneiðarnar eru hjúpðar.

Hitið pönnu við miðlungshita, bætið olíu á hana og steikið þær þar til eru fallega brúnar. Passið að snúa reglulega til að raspurinn brenni ekki. Setjið ögn af smjöri á pönnuna í lokin og látið það freyða aðeins.

Leggið sneiðarnar á bakka með þurru stykki eða pappír undir og geymið á heitum stað þar til þið berið fram. Tilvalið að bæta við salati og/eða sprettum á diskinn.

Saxið hvítlauk og timían og svissið í víðum potti með smjörinu á vægum hita en passið að brúna ekki laukinn um of.

Skerið hvítkál í strimla og bætið í pottinn og eldið aðeins, bætið við rjóma og hækkið hitann að suðu. Sjóðið á hægum hita þar til rjóminn þykknar, setjið lok á pottinn og lækkið hitann og látið krauma í 10 mínútur.

Bræðið smjör við meðalhita í potti, látið krauma þar til að fer að freyða og brúnast ögn.

Pillið laufin af rósmaríninu, bætið í smjörið og leyfið því það steikjast þar til laufin verða stökk.