Lamba-prime með grófkorna sinnepi, fáfnisgrasi og piparosti
Hérna er ein frábær uppskrift úr haust blaði Gestgjafans 2011.
- 4
Hráefni
2 msk olía
4 x 200 g lambaprime
salt
nýmalaður pipar
2 msk grófkorna sinnep
1 msk fáfnisgras (esdragon), smátt saxað
½ piparostur, rifinn
2 msk raspur
Leiðbeiningar
1
Kryddið lambaprime með salti og pipar og steikið upp úr olíu á vel heitri pönnu á öllum hliðum þar til kjötið er orðið fallega brúnað.
Færið þá kjötið í eldfast mót eða ofnskúffu. Blandið saman sinnepi og fáfnisgrasi og smyrjið á kjötið.
Stráið síðan piparosti og raspi á kjötið og bakið við 180°C í 3 mín. Takið þá kjötið úr ofninum og látið standa í 3 mín.
Setjið kjötið aftur í ofninn og endurtakið þar til kjötið er búið að vera samtals í ofninum í 12 mín.
2
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson Stílisti: Ólöf Jakobína Ernudóttir