Lamba-prime í naan-brauði með myntusósu og tómötum

Óhætt er að segja að íslenskt lambakjöt sé ein besta afurð sem okkur stendur til boða hér á landi. Það er einstaklega bragðgott og auðvelt að meðhöndla það og matreiða. Hægt er að elda lambakjöt á ótal vegu og uppskriftirnar hér sýna vel hversu einfalt er að elda fjölbreytta og spennandi rétti úr lambakjöti.

table with empty plate, a knife and fork onto a napkin and a small bowl with salt in it

Hráefni

 400 g Lamba-prime
 2 hvítlauksgeirar, fínt skornir
 1 tsk. reyktur chili, þurrkaður
 2 msk. olía
 salt og pipar
 1 pakki naan-brauð
 3 tómatar
 hnefafylli ferskur kóríander

Leiðbeiningar

1

Hitið ofninn í 150°C og hitið pönnu vel.

2

Blandið hvítlauk, chili, olíu, salti og pipar saman í skál og hrærið vel.

3

Setjið kryddblönduna yfir lambið og leyfið þessu að marinerast í 20 mín.

4

Setjið lambið á heita pönnuna, steikið á hvorri hlið í 2-3 mín., setjið síðan í eldfast mót og bakið í ofni í 20-25 mín. eða þar til kjarnhiti hefur náð 56°C.

5

Takið kjötið út og leyfið því að hvíla í 5-7 mín. með stykki yfir sér.

6

Myntusósa

7

hnefafylli fersk mynta (hálft box)
1 hvítlauksgeiri
4 msk. olía
2 msk. hunang
1 msk. sojasósa
50 g ristaðar kasjúhnetur
safi úr 1 límónu
salt og pipar

8

Setjið allt í matvinnsluvél og látið hana ganga þar til allt hefur maukast vel. Bragðbætið eftir smekk með salti og pipar.

9

Samsetning:

10

Ristið naan-brauð í 20 sek. á heitri pönnu, smyrjið því næst myntusósunni vel á brauðið. Sneiðið lambið þunnt niður og raðið fallega á brauðið. Að endingu er niðurskornum tómötum og kóríander dreift yfir.

11
Uppskriftin er úr Gestgjafanum. Umsjón: Hinrik Carl Ellertsson Stílisti: Ólöf Jakobína Ernudóttir Myndir: Heiða Helgadóttir

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​