Grillað lambafile með kryddjurtasalsa og fetaosti

Grillað lambafile
Grillað lambafile með kryddjurtasalsa og fetaosti

Hráefni

Kryddjurtasalsa
 1 ½ hnefafylli myntulauf
 1 ½ hnefafylli steinselja
 ½ hnefafylli basilíkulauf
Grillað lambafile með fetaosti
 3 hvítlauksgeirar, skornir gróft
 ¾ tsk. chili-flögur
 65 ml ólífuolía
 70 g parmesanostur, rifinn fínt
 1 tsk. sítrónubörkur, rifinn fínt
 u.þ.b ½ tsk. sjávarsalt
 u.þ.b. ⅛ tsk. svartur pipar, nýmalaður
 200 g fetaostur, mulinn niður

Leiðbeiningar

Kryddjurtasalsa
1

Setjið kryddjurtir í matvinnsluvél ásamt hvítlauk og chilí-flögum, maukið þar til myndast hefur gróft mauk. Bætið við ólífuolíu, parmesanosti, sítrónuberki, salti og pipar, maukið þar til allt hefur samlagast vel.

2

Setjið blönduna yfir í skál og hrærið fetaosti saman við. Bragðbætið með salti og pipar og kælið þar til fyrir notkun.

Grillað lambafile með fetaosti
3

Skerið rákir í fituna á kjötinu með beittum hníf en passið að fara ekki inn að kjötinu. Setjið kóríanderfræ og kumminfræ í mortél og steytið gróflega, bætið við kanil, tímían, rósmarín, olíu, 2 tsk. af salti og ½ tsk. af pipar. Maukið saman þar til allt hefur samlagast vel.

4

Setjið kjötið í fat og hellið kryddblöndunni yfir. Látið standa í a.m.k. 30 mín. Einnig er hægt að marinera kjötið yfir nótt inn í kæli en látið standa við stofuhita í 1 klst. fyrir eldun.

5

Hitið grill eða grillpönnu og hafið á miðlungsháum hita. Leggið kjötið á grillið og látið fituna snúa niður. Eldið án þess að hreyfa við kjötinu í 5-6 mín. eða þar til fitan er orðin stökk og hefur fengið á sig góðan lit. Snúið kjötinu við og eldið áfram í u.þ.b. 6-7 mín. eða þar til kjarnhiti kjötsins er 51°C – 54°C.

6

Kjötið mun halda áfram að eldast örlítið, kjarnhitinn hækkar um nokkrar gráður eftir að það hefur verið tekið af grillinu. Takið af hitanum og látið hvíla í a.m.k. 10 mín. áður en það er skorið. Berið fram með kryddjurtasalsa með fetaosti ásamt öðru meðlæti að eigin vali.

Deila uppskrift