Kryddjurtakartöflur

Ef notaðar eru forsoðnar kartöflur þarf að byrja á að hita þær. Kryddjurtirnar eru síðan saxaðar og þeim blandað saman við hveiti, pipar og salt. Kartöflunum velt upp úr blöndunni. Smjör og olía hitað á stórri pönnu, kartöflurnar settar á pönnuna og þær steiktar við góðan hita þar til þær eru farnar að brúnast. Hrært oft á meðan. Saxaðri steinselju stráð yfir og tekið strax af hitanum.