Kóríanderkryddaðar lambagrillsteikur

Skerið kjötið í 8-10 bita. Setjið kóríanderlauf, hunang, sojasósu, Grand Marnier, hvítlauk og pipar í skál og hrærið vel saman. Setjið kjötið út í og veltið því upp úr leginum. Látið standa í kæli í nokkrar klukkustundir og hrærið í öðru hverju. Takið það svo úr leginum, saltið það og látið standa við stofuhita á meðan grillið er hitað. Grillið kjötið við nokkuð góðan hita í 5-8 mínútur á hvorri hlið, eða eftir smekk. Setjið afganginn af leginum í pott ásamt víninu, hitið að suðu og látið sjóða í nokkrar mínútur. Smakkið, bragðbætið með pipar og salti eftir þörfum og berið fram með kjötinu. Berið t.d. fram með soðnum hrísgrjónum, blönduðum söxuðu mangóaldini, kasjúhnetum og söxuðum kryddjurtum eftir smekk.

fillet filet fille file