Kóríanderkryddaðar lambafillet

Sérlega meyrt og gott lambakjöt sem er látið liggja í kryddlegi úr kóríanderlaufi, hunangi, Grand Marnier og fleiru og síðan grillað við góðan hita.

table with empty plate, a knife and fork onto a napkin and a small bowl with salt in it

Hráefni

 800 g framhryggjarfillet
 0.5-1 knippi kóríanderlauf, söxuð
 0.5 dl þunnt hunang
 2 msk. sojasósa
 2 msk. Grand Marnier eða brandí
 2-3 hvítlauksgeirar, saxaðir
 nýmalaður pipar
 salt
 2 dl þurrt hvítvín

Leiðbeiningar

1

Skerið kjötið í 8-10 bita.

Setjið kóríanderlauf, hunang, sojasósu, Grand Marnier, hvítlauk og pipar í skál og hrærið vel saman.

Setjið kjötið út í og veltið því upp úr leginum. Látið standa í kæli í nokkrar klukkustundir og hrærið í öðru hverju.

Takið það svo úr leginum, saltið það og látið standa við stofuhita á meðan grillið er hitað.

Grillið kjötið við nokkuð góðan hita í 5-8 mínútur á hvorri hlið, eða eftir smekk.

Setjið afganginn af leginum í pott ásamt víninu, hitið að suðu og látið sjóða í nokkrar mínútur.

Smakkið, bragðbætið með pipar og salti eftir þörfum og berið fram með kjötinu. Berið t.d. fram með soðnum hrísgrjónum, blönduðum söxuðu mangóaldini, kasjúhnetum og söxuðum kryddjurtum eftir smekk.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​