Kínverskar lambakjötsnúðlur

Hellið sjóðandi vatni yfir núðlurnar og látið standa í smástund, eða eldið þær í samræmi við leiðbeiningar á umbúðum. Skerið kjötið í mjög þunnar sneiðar þvert á vöðvaþræðina. Hitið 1 msk. af olíu vel í wok-pönnu eða á venjulegri, þykkbotna pönnu og snöggsteikið kjötið við háan hita. Steikið það í nokkrum skömmtum og takið það af með gataspaða þegar það hefur tekið lit á báðum hliðum. Setjið svo afganginn af olíunni á pönnuna og steikið rauðlauk, hvítlauk, engifer og chili í 1-2 mínútur. Setjið kjötið aftur á pönnuna, ásamt karrímauki, snjóbaunum og gulrótum. Hellið vatninu yfir og sjóðið í 2-3 mínútur. Bragðbætið með sykri og límónusafa. Látið renna af núðlunum í sigti og setjið þær svo á pönnuna og steikið í 1-2 mínútur til viðbótar