Karrí-lambapottréttur
Lambakjöt er ljúfmeti! Þessi uppskrift birtist í vorblaði Gestgjafans 2013 í umsjón Hönnu Ingibjargar Arnarsdóttur.
- 4
Hráefni
Leiðbeiningar
Setjið kjötið í skál, ásamt 3 msk. af olíunni, rauðlauk, karrímauki og kummin. Blandið öllu vel saman, setjið filmuplast yfir og geymið í kæliskáp í a.m.k. tvær klukkustundir eða yfir nótt.
Hitið 2 msk. af olíu í stórum potti og steikið laukinn í nokkrar mínútur og bætið engifer saman við og síðan hvítlauknum, laukblandan á að brúnast svolítið en ekki brenna.
Hellið lauknum á disk og bætið restinni af olíunni í pottinn, kryddið kjötið með pipar og salti og steikið vel þannig að það brúnist á öllum hliðum. Hellið laukblöndunni saman við ásamt kókósmjólkinni og látið malla í u.þ.b. 30 mínútur.
Setjið kúrbítinn saman við og sjóðið áfram í u.þ.b. 20 mínútur, bætið þá paprikunni út í og sjóðið í 10 mínútur til viðbótar. Bætið mangómaukinu saman við og bragðbætið eftir smekk.
Berið fram með kardimommuhrísgrjónum, mangómauki og ferskum kóríander.
Kardimommuhrísgrjón:
300 g gæðahrísgrjón
5 dl vatn
5-6 kardimommur, steyttar
1 msk. olía salt
Hitið olíuna í potti og látið kardimommurnar saman við, þegar þær eru farnar að ilma setjið þá hrísgrjónin saman við og hellið vatninu yfir, kryddið með smásalti. Látið lokið á og látið suðuna koma upp, lækkið þá hitann vel niður og látið malla í u.þ.b. 10 mínútur, takið af hitanum og látið standa í aðrar 10 mínútur.