Jóla innralæri

með ofnbökuðu grænmeti, fennel- gulróta hrásalati og rifsberjasósu

Hráefni

Ofnbakað grænmeti
 8 gulrætur
 2 nípur, skornar í fernt
 8 skarlottulaukar, skrældir
 1 box Flúðasveppir
 1L lambasoð
 ólífuolía
 6 greinar ferskt timían
 2 heilir hvítlaukar skornir í tvennt
 1 stk kanilstöng
Steikt innralæri
 2 innralæri
 olía
 1 tsk fennel fræ
 1/2 tsk dillfræ
 salt og pipar
Rifsberjasósa
 Soðið úr ofnskúffunni
 50 gr smjör
 50 gr hveiti
 100 ml rjómi
 50 gr rifsber
Fennel og gulrótahrásalat
 6 stk gulrætur
 2 fennel
 2 græn epli
 2 appelsínur
 1/2 búnt dill
 40 ml góð ólífuolía
 sítrónusafi

Leiðbeiningar

Ofnbakað grænmeti
1

Byrið á að skera grænmetið og raðið í ofnskúffu, kryddið með salti og pipar. Hellið soðinu yfir. Athugið að lambið fer með grænmetinu í ofninn.

Steikt innralæri
2

Hitið ofninn í 120°C. Saltið innralærin og brúnið á vel heitri pönnu í 2-3 mín á hvorri hlið. Nuddið kryddinu á kjötið og piprið. Setjið kjötið ofan á rótargrænmetið í bakkanum og inn í ofn í um 40 mín. Eða þar til kjarnhitinn nær 60°C.

Rifsberjasósa
3

Gerið smjörbollu úr smjöri og hveiti, smjörið er brætt í potti og hveitinu hrært saman við með sleif. Hrærið áfram yfir miðlungs hita í 2 mín og kælið svo. Sigtið soðið úr ofnskúffunni í pott og hitið að suðu, blandið kaldri smjörbollunni saman við með písk, sjóðið í 15 mín og hrærið reglulega. Bætið rjóma við og smakkið til með salti og pipar, rifsberin fara í rétt áður en sósan er borin fram.

Fennel og gulrótahrásalat
4

Skerið gulrætur, fennel og epli í þunna strimla og setjið í skál. Skrælið appelsínu og skerið í báta, pillið dilltoppana af stilkum. Blandið öllu saman og smakkið til með sítrónusafa og salti.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​