Ofnsteikt innralæri
- 1 1/2 klst
- 2-3
Hráefni
Leiðbeiningar
Byrjið á því nudda kjötið með ólífuolíu, þvi næst er það kryddað vel með fennelfræjum, dillfræjum, kanil, salti og pipar og nuddið kryddunum vel í kjötið.
Gulrætur, nípa, laukur og sveppir eru settr í ofnskúffu með ólifuoliu, síðan kryddað með salti og pipar, blóðbergi og hvítlaukur settur með.
Setjiði innralærið á sjóðandi heita pönnu og steikið það í tvær mínútur á hvorri hlið eða þar til kjötið hefur lokast og náð góðum brúnum lit.
Því næst er kjötið sett í ofnskúffu ofan á beð af rótargrænmeti og lambasoði hellt í ofnskúffuna.
Setjið kjötið inn í 120 gráðu heitan, forhitaðan ofn og bakið þar til kjarnhitinn er kominn í 58-60 gráður, eða í um 40 mínútur. Þegar innralærið er tilbúið, látið hvíla í 15 mínútur og færið þið yfir á fat eða fallegan disk ásamt rótagrænmetinu.
Hellið vökvanum af lærinu í pott í gegnum sigti og hitið uppá.
Gerið smjörbollu úr hveiti og smjöri, bætið henni útí smá í einu eða þar til sósan er orðinn hæfilega þykk.
Setjið rjómann og rifsberinn útí og smakkið til með salti og pipar þar til sósan er klár.
Gulrætur, fennel og epli eru skorin þunnt í mandólíni eða með grænmetisskrælara og sett í skál.
Appelsínan er skræld og skorin í báta, siðan er henni bætt út í skálina ásamt dilli og svo er allt saman smakkað til með ólífuolíu, sítrónusafa og salti.
Brúnið sykur á pönnu (fylgist vel með svo sykurinn brenni ekki).
Bætið við smjöri og blandið með sleif.
Bætið rjóma út í og hrærið þar til allt hefur sameinast.
Bætið kartöflunum í og látið krauma við vægan hita þar til kartöflurnar eru vel hjúpaðar.