Innbakaður lambahryggvöðvi með sveppasósu

Það er alls ekki vandasamt að elda innbakað kjöt, ekki síst ef notað er tilbúið smjördeig sem kaupa má frosið. Oftast er byrjað á að brúna kjötið á pönnu áður en deigið er sett utan um það, til að það fái á sig dálitla skorpu og verði bragðmeira.

Pottur og diskur

Hráefni

 800 g lambahryggvöðvi (fillet), án fitu
 4 plötur frosið smjördeig
 1 msk olía
 500 g sveppir
 2 hvítlauksgeirar, saxaðir smátt
 50 g smjör
 nýmalaður pipar
 salt
 100 g lifrarkæfa
 1 egg
 1 laukur, saaður
 1 msk brandí eða púrtvín
 1 msk hveiti
 300 ml lambakjöts- eða grænmetissoð (eða vatn og soðkraftur)
 100 ml rjómi

Leiðbeiningar

1

Kjötið skorið í fjóra álíka stóra bita. Smjördeigið látið þiðna og ofninn hitaður í 220 gráður. Olían hituð á pönnu og kjötið snöggsteikt við háan hita þar til það er vel brúnað á báðum hliðum en síðan tekið af pönnunni. Helmingurinn af sveppunum saxaður fremur smátt. 1 msk af smjöri brædd á pönnu og sveppirnir settir á hana ásamt öðrum hvítlauksgeiranum og látnir krauma við meðalhita í nokkrar mínútur; kryddaðir með pipar og salti. Smjördeigsplöturnar flattar út svo að þær séu nógu stórar til að ná mjög vel utan um kjötið. Smurðar með lifrarkæfunni, ekki alveg út á brúnir. Sveppablöndunni dreift ofan á kæfuna og síðan er kjötið sett ofan á og deiginu vafið utan um. Brúnirnar penslaðar með eggi til að loka bögglinum og deigið síðan allt penslað með eggi. Sett á pappírsklædda bökunarplötu og bakað í um 15 mínútur, eða þar til deigið hefur tekið góðan lit. Á meðan er afgangurinn af smjörinu bræddur. Sveppirnir sem eftir eru skornir í sneiðar og settir út í ásamt hvítlauk og brandíi eða púrtvíni. Látið malla við meðalhita í nokkrar mínútur. Hveitinu hrært saman við og síðan er soðinu bætt út í smátt og smátt og sósan bökuð upp. Látin malla í nokkrar mínútur og síðan er rjómanum hrært saman við og smakkað til með pipar og salti.

2

fillet filet fille file

Deila uppskrift