Indónesískir lambagrillpinnar
Satay er heiti sem í Indónesíu er bæði notað um grillað kjöt á teini og einnig um sósur sem kjötið er marinerað í og/eða borið fram með. Hér er þó ekki notuð sataysósa í marineringuna en hún er mjög góð með.
- 4
Hráefni
Leiðbeiningar
Skerið kjötið í fremur stóra gúllasbita, 3-4 sm á kant, og setjið þá í skál. Skerið lauk, hvítlauk og chili í bita og rífið engiferið. Setjið þetta í matvinnsluvél eða blandara ásamt kókosmjólk, límónusafa, sojasósu, púðursykri og kóríander og látið ganga þar til allt er orðið að mauki. Hellið maukinu yfir kjötið og blandið vel. Látið standa í kæli í 2-4 klukkutíma. Hitið þá grillið. Þræðið kjötbitana upp á teina og saltið svolítið. Grillið kjötið þar til það er rétt tæplega steikt í gegn, eða í 8-10 mínútur. Snúið teinunum nokkrum sinnum á meðan. Berið fram með soðnum hrísgrjónum og satay-sósu eða annarri sósu.