Hvítlaukslambalæri

Ofninn hitaður í 115 gráður. Lærið e.t.v. fitusnyrt dálítið og núið vel með timjani, pipar og salti. Hvítlauksgeirarnir afhýddir en ekki pressaðir eða saxaðir. Olían hituð á stórri pönnu eða í steikarfati og lærið brúnað létt. Brandíinu hellt yfir, eldur borinn að og lærið eldsteikt (þessu má líka sleppa). Soði, víni eða vatni hellt á pönnuna þegar logarnir deyja út og hitað að suðu. Lærið fært yfir í steikarfat eða ofnskúffu ef það var brúnað á pönnu, soðinu hellt í fatið og hvítlauksgeirunum dreift í kring. Lok sett yfir (eða álpappír lagður yfir og brotinn niður fyrir barmana til að mynda nokkuð þétt lok). Sett í ofninn, steikt í um 6 klst og soði e.t.v. ausið yfir lærið u.þ.b. á klukkutíma fresti – það er þó ekki nauðsynlegt og óhætt að láta lærið alveg óhreyft. Í lokin er hitinn svo hækkaður í 200 gráður, álpappírinn tekinn af og lærið brúnað í um 15 mínútur, eða þar til það hefur tekið góðan lit. Látið standa í 10-15 mínútur áður en það er skorið. Hvítlaukssósan bragðbætt með pipar og salti eftir smekk og borin fram með.