Hvítlauks-lambaskankar

Það vantar ekki hvítlaukinn í þennan gómsæta rétt, þar sem kjötið er látið malla lengi í ofni við hægan hita, þar til það er orðið mjög meyrt og bragðgott.

table with empty plate, a knife and fork onto a napkin and a small bowl with salt in it

Hráefni

 3 msk ólífuolía
 3-4 lambaskankar
 2 laukar, gjarna rauðlaukar
 2 hvítlaukar, skipt í geira og þeir afhýddir
 1 dós saxaðir tómatar
 1 tsk oregano, þurrkað
 0.5 tsk basilíka, þurrkuð
 100 ml rauðvín, þurrt
 nýmalaður pipar
 salt
 250 g sveppir, helst litlir

Leiðbeiningar

1

Ofninn hitaður í 175 gráður. Olían hituð í þykkbotna potti sem þolir að fara í ofninn og lambaskankarnir brúnaðir á öllum hliðum við nokkuð góðan hita. Teknir upp úr og geymdir en laukurinn og hvítlaukurinn settur í pottinn og látinn krauma við meðalhita í 5-8 mínútur án þess að brúnast. Tómötunum hellt í sigti og lögurinn látinn renna af þeim en síðan er þeim hrært saman við ásamt kryddjurtunum. Látið malla í 3-4 mínútur en þá er rauðvíninu hellt yfir, kryddað með pipar og salti, lambaskönkunum bætt í pottinn og hitað að suðu. Lok sett á pottinn og hann settur í ofninn. Kjötið gufusteikt í um 2 klst og snúið þrisvar eða fjórum sinnum á meðan. Þegar um hálftími er eftir af eldunartímanum er sveppunum bætt í pottinn. Þegar kjötið er meyrt er það tekið upp úr og fært á hitað fat. Sósan smökkuð til, látin sjóða dálítið niður og síðan hellt yfir skankana.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​