Hunangs- og kryddhjúpaður lambahryggur

Kryddið lambahrygg með salti og pipar og setjið í 180°C heitan ofn í 45 mín. Takið þá hrygginn úr ofninum, penslið hann með hunangskryddhjúpnum og stráið raspi yfir. Bakið í 10 mín. til viðbótar. Berið hrygginn fram með lambasósunni og t.d. blönduðu grænmeti og steiktum kartöflum.

Hunangs- og kryddhjúpur:

1 msk. ljóst edik
2 msk. hunang
1 msk. grófkorna sinnep
1 tsk. rósmarínnálar
1 tsk. tímíanlauf
1 tsk. basilíka
1 tsk. óreganó
2 msk. steinselja, smátt söxuð

Setjið allt í skál og blandið vel saman.

Lambasósa:

3 dl vatn
1 dl hvítvín
sósujafnari
1 msk. lambakraftur
salt og nýmalaður pipar

Hellið vatni og hvítvíni í ofnskúffuna með lambinu og látið standa í 5 mín. Hellið þá úr ofnskúffunni í pott og þykkið með sósujafnara. Smakkið til með lambakrafti og salti og pipar.