Hummus bi tahini
Hummus er fræg ídýfa frá Miðausturlöndum, gerð úr kjúklingabaunum og tahini (sesamfræjamauki). Til eru ýmsar útgáfur en yfirleitt eru þær einföldustu bestar.
- 4
Hráefni
1 dós kjúklingabaunir
3 hvítlauksgeirar, saxaðir
150 g tahini
safi úr 1 sítrónu, eða eftir smekk
nýmalaður pipar
salt
smáklípa af chilipipar
Leiðbeiningar
1
Baunirnar settar í matvinnsluvél eða blandara ásamt hluta af leginum úr dósinni (afgangurinn af leginum geymdur). Hvítlaukur og tahini sett út í (ef tahinimaukið hefur skilið sig er best að nota dálítið af olíunni af því líka) og vélin látin ganga þar tilkomið er alveg slétt mauk. Þynnt með meira baunasoði eftir þörfum; maukið á ekki að vera stíft en heldur ekki of þunnt. Smakkað til með sítrónusafa, pipar, salti og svolitlum chilipipar. Borið fram t.d. með pítubrauði fylltu með steiktu eða grilluðu lambakjöti.