Heilsteiktur lambahryggur með tómötum, basilíku og hvítlauk

Heilsteiktur lambahryggur með tómötum, basilíku og hvítlauk
table with empty plate, a knife and fork onto a napkin and a small bowl with salt in it

Hráefni

 1 lambahryggur
 salt og nýmalaður pipar
 2 rósmaríngreinar eða 1 tsk. þurrkað rósmarín
 4 tímíangreinar eða ¾ tsk. þurrkað tímían
 1 heill hvítlaukur
 ½ búnt basilíka, söxuð
 20 fetaostteningar
 2 msk. furuhnetur (má sleppa)
 10 svartar ólífur
 12 kirsuberjatómatar

Leiðbeiningar

1

Skerið sitt hvoru megin við hryggjarsúluna, niður að rifbeinunum.

Kryddið allan hrygginn með salti og pipar.

Leggið rósmarín og tímína ofan í skurðinn sitt hvoru megin við hryggjarsúluna.

Setjið hrygginn í ofnskúffu ásamt heilum hvítlauk og bakið í 50 mín. við 180°C.

Takið þá hvítlaukinn úr ofninum og losið geirana í sundur. Setjið þá í skál ásamt basilíku, fetaosti, furuhnetum, ólífum og tómötum, blandið vel saman og kryddið með salti og pipar.

Leggið blönduna ofan á hrygginn og bakið hann í 10 mín. til viðbótar.

Berið hrygginn fram með blönduðum kartöflum og basilíkusósu.

Basilíkusósa
1 dl hvítvín (má sleppa)
4 dl vatn
1 msk. lambakraftur
½ búnt basilíka, smátt söxuð
sósujafnari
40 g kalt smjör í teningum
salt og nýmalaður pipar

Hellið hvítvíni og vatni í ofnskúffuna með lambinu þegar 5 mínútur eru eftir af eldunartímanum og bakið lambið áfram í 5 mín.

Hellið soðinu í pott ásamt lambakrafti og basilíku og þykkið með sósujafnara.

Takið pottinn af hellunni og bætið smjöri saman við.

Hrærið í þar til smjörið er bráðnað og smakkið til með salti og pipar.

2
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​