Grískt lambalæri

Grikkir vilja yfirleitt hafa lambakjötið sitt alveg gegnsteikt en ef óskað er eftir kjöti sem er bleikt í miðju má stytta steikingartímann verulega frá því sem hér er gefið upp.

table with empty plate, a knife and fork onto a napkin and a small bowl with salt in it

Hráefni

 1 lambalæri, um 2 kg
 4-5 hvítlauksgeirar, skornir í flísar
 4-5 rósmaríngreinar (má sleppa)
 0.5 sítróna
 200 ml ólífuolía
 6-8 stórar kartöflur
 200 ml vatn
 1 tsk oregano, þurrkað
 nýmalaður pipar
 salt

Leiðbeiningar

1

Ofninn hitaður í 200 gráður. Beittum hnífsoddi stungið í lambalærið á nokkrum stöðum og hvítlauksflísum og e.t.v. rósmarínkvistum stungið í raufarnar. Kjötið núið vel með skurðfletinum á sítrónunni og síðan er það makað í ólífuolíu og kryddað með pipar og salti. Sett í steikarfat eða ofnskúffu og kartöflunum raðað í kring. Afganginum af olíunni hellt yfir ásamt vatninu, afgangurinn af safanum úr sítrónunni kreistur yfir kartöflurnar og þær kryddaðar með oregano, pipar og salti. Sett í ofninn og steikt í um 2 klst, eða þar til kartöflurnar eru vel brúnaðar og kjötið steikt í gegn.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​