Grískt Gyros í pítubrauði

Í þessa uppskrift má jafnvel nota súpukjöt en framhryggjarsneiðar eru líklega bestar. Það skiptir máli að kjötið sé vel fitusprengt en magrir eða fitulausir bitar henta ekki í þennan rétt, það kjöt verður ekki nógu safaríkt og mjúkt.

table with empty plate, a knife and fork onto a napkin and a small bowl with salt in it

Hráefni

 1 kg valið súpukjöt, þykkar framhryggjarsneiðar eða leggir
 4 msk. ólífuolía
 1 msk. hvítvínsedik
 3 hvítlauksgeirar, saxaðir smátt
 2 tsk. ferskt rósmarín, saxað, eða 0.5 tsk. þurrkað
 1 tsk. minta, þurrkuð
 1 tsk. óreganó, þurrkað
 0.5 tsk. kanill
 nýmalaður pipar
 salt
 8-12 pítubrauð

Leiðbeiningar

1

Í rauninni má nota hvaða lambakjöt sem er í þennan rétt en best er þó að kjötið sé vel fitusprengt, þá er það mun safaríkara. Setjið allt hitt hráefnið í stóra skál og blandið vel. Setjið kjötið út í og veltið bitunum vel upp úr blöndunni. Látið standa í kæli í a.m.k. 2 klst. og gjarna lengur. Veltið bitunum í leginum öðru hverju. Hitið grillið og hafið það lokað. Slökkvið síðan á öðrum/einum brennaranum. Ef notað er kolagrill, ýtið þá kolunum til hliðar í miðjunni og setjið álbakka þar. Takið kjötið úr leginum, setjið það á grindina þar sem enginn eldur er undir, og lokið grillinu. Grillið kjötið í 40-60 mínútur við vægan meðalhita, eða þar til það er vel meyrt og steikt í gegn en þó enn safaríkt. Takið það af grillinu og látið það kólna ögn en takið það síðan af beinunum og skerið í þunnar sneiðar. Penslið pítubrauðin með örlítilli olíu og hitið þau á grillinu í 1/2-1 mínútu á hvorri hlið. Setjið salatblað inn í hvert pítubrauð, ásamt öðru grænmeti (sjá tillögur hér á eftir) og hrúgu af kjötsneiðum og dreypið feta- og skyrsósu yfir.

2

Grænmeti, t.d.:

3

eggaldin
laukur
tómatar
gúrka
salat

4

Skerið eggaldinið og laukinn í 1/2 sm sneiðar, penslið grænmetið með svolítilli olíu, saltið og grillið þar til það er meyrt. Skerið tómatana í þunnar sneiðar og gúrkurnar í bita. Rífið salatið gróft.

Sósa sem fer vel með: Feta- og skyrsósa

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​