Grilluð lambasteik með djúsí kartöflusalati
HRÁSALAT - SESAM - APPELSÍNUR
- 25 mín
- 4
Hráefni
Djúsí kartöflusalat
400 gr kartöflur, soðnar og skornar í bita
½ rauðlaukur, skorinn í þunnar sneiðar
150 gr gott majones
100 gr 36% sýrður rjómi
3 msk súrar gúrkur, saxaðar
1 msk mulið broddkúmen
2 msk soyasósa
Hrásalat með rauðkáli & fennel „slaw“
3 bollar rauðkál skorið í þunnar sneiðar
1 stk fennel í þunnum sneiðum
½ grænt epli, sneitt
2 msk rifin piparrót (eða 2 msk Dijon sinnep)
4 msk matarolía
½ dl eplaedik
Grilluð lambasteik og meðlæti
400 gr innanalærisvöðvi, eða annar beinlaus biti
2 msk sesam olía
1 msk sesam fræ
1 appelsína,börkur og safi
1 msk ostru sósa
1 romaine salat haus
2 appelsínur
3 msk chili olía
Leiðbeiningar
Djúsí kartöflusalat
1
Blandið öllum hráefnum saman og smakkið til með salti og pipar
Hrásalat með rauðkáli og fennel „slaw“
2
Blandið og smakkið til með salti og pipar.
Grilluð lambasteik & meðlæti
3
Blandið kjöti ásamt sesamolíu, sesamfræjum, ostrusósu, appelsínuberki og appelsínusafa úr annarri appelsínunni og marinerið í a.m.k. 10 mín. Grillið í um 2 mín hvora hlið, eða eftir smekk. Penslið marineringunni á undir lokin á eldunartímanum.
4
Skerið romaine salat í tvennt langsum, penslið með chili olíu og grillið í u.þ.b. 1 mín á hvorri hlið á meðalhita. Skerið seinni appelsínuna í stóra báta, penslið með olíu og grillið í 2 mín á meðalhita.
Berið fram með hrásalati og djúsí kartöflusalati löðrandi í majonesi og kreistið grillaða appelsínu yfir steikina.