Grilluð lambalifur á teini

Lifrin hreinsuð og skorin í teninga, um 2,5-3 cm á kant. Laukurinn settur í pott með sjóðandi vatni og soðinn í 4-5 mínútur en síðan hellt í sigti, látinn kólna ögn og svo afhýddur. Beikonsneið vafið um hvern lifrarbita og þeir síðan þræddir á teina til skiptis við perlulaukinn. Grillið hitað. Á meðan er smjörið brætt í potti, edikinu hrært saman við og kryddað með pipar og salti. Lifrarbitarnir og laukurinn penslað með smjörinu og síðan eru teinarnir settir á grillið og grillaðir í 6-8 mínútur, eða þar til beikonið er stökkt og lifrin orðin steikt. Snúið nokkrum sinnum og penslað með smjörinu. Pinnarnir eru svo settir á fat, söxuðu timjani e.t.v. stráð yfir, og borið fram, t.d. með soðnum kartöflum og/eða grilluðu grænmeti.