Grillbrauð

Það er afskaplega einfalt að baka brauð á grillinu og bera fram nýbakað og heitt brauð með lambakjötinu. Þessi smábrauð væri til dæmis hægt að baka þegar búið er að taka lærið af grillinu - það hefur hvort eð er gott af að standa nokkra stund áður en það er skorið.

table with empty plate, a knife and fork onto a napkin and a small bowl with salt in it

Hráefni

 3 dl vatn, ylvolgt
 0.5 tsk hunang
 1 msk ger
 hveiti eftir þörfum, helst brauðhveiti
 1 tsk salt
 1 msk ólífuolía

Leiðbeiningar

1

Setjið vatn, ger og hunang í skál og þegar gerið freyðir er hveiti hrært saman við smátt og smátt ásamt salti og ólífuolíu. Haldið áfram að bæta við hveiti þar til deigið er vel hnoðunarhæft en þó lint. Hnoðið það vel, mótið það svo í kúlu og látið það lyfta sér í 1-1 1/2 klst, eða þar til það hefur tvöfaldast. Þá er það slegið niður, mótað í kúlu og látið bíða í um 10 mínútur. Þá er því skipt í 10-12 búta og hver bútur flattur út í þunnt, aflangt brauð. Raðað á heitt grillið, lokað og bakað í nokkrar mínútur á hvorri hlið, eða þar til brauðið hefur blásið vel út og tekið góðan lit.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​