Grillaður lambahryggvöðvi
- 90 mín
- 4
![Fille, Rabarbara BBQ_HafliðiH](https://islensktlambakjot.is/wp-content/uploads/2024/06/IMG_10751.2jpg.jpg)
Hráefni
Leiðbeiningar
Svitið lauk, rabarbara og hvítlauk í olíunni á meðalhita í 3-4 mínútur. Bætið við vatni, tómasósu, sykri, ediki, Dijon og Worcestershire sósu. Sjóðið í nokkrar mínútur eða þar til þykknar, smakkið til með ríflegum skammti af svörtum pipar, salti og e.t.v. eldpipar eða eldpiparsósu. Maukið í blandara og geymið í loftþéttu íláti í kæli.
Byrjið á að setja bygg í pott, bætið við vatni og salti og sjóðið í 15-20 mínútur, þá á enn að vera ögn bit í bygginu eða „al dente“ eins og Ítalir kalla það. Sigtið vatnið frá.
Svitið lauk og eldpipar í olíunni á pönnu og blandið saman við byggið. Smakkið til með salti og e.t.v. sítrónusafa.
Saxið hvítlauk og blandið í olíuna ásamt kryddblöndunni, Skerið kálið í passlega báta eftir endilöngu. Penslið olíunni á kálið og leyfið að standa í nokkrar mínútur áður en þið saltið og grillið kálið á öllum hliðum. Setjið á bakka, penslið með olíunni og grillið áfram á óbeinum hita, eða setjið í ofninn þar til kálið er eldað í gegn. Saltið og grillið vorlauk eftir smekk.
Snyrtið lambið og skerið rákir í fituna, saltið á báðum hliðum, brúnið vel á grillinu, byrjið á fituhliðinni og passið að fitan brenni ekki. Hér er ómissandi að nota hitamæli, og passlegt að taka af grillinu þegar kjarnhiti er kominn í 54°C, þar sem kjarnhitinn heldur áfram að hækka og endar í meðalsteikingu „medium“ Leggið álpappír yfir og hvílið á borðinu í 15 mínútur, kryddið með pipar áður en lambið er borið fram.