Grillaðar lambakótelettur með tómatpestói
Ljúffeng uppskrift úr smiðju Úlfars Finnbjörnssonar úr júlí tölublaði Gestgjafans.
- 4
Hráefni
8 heilar lambakótelettur
2 msk. olía
salt
nýmalaður pipar
Penslið kótelettur með olíu og kryddið með pipar og salti. Grillið á meðalheitu grilli í 2-3 mín. á hvorri hlið. Penslið þá kóteletturnar með tómatpestói og grillið áfram í 1 mín. á hvorri hlið. Berið fram með afganginum af tómatpestóinu og t.d. grilluðu grænmeti og kartöflum.
Tómatpestó:
2 ½ dl sólþurrkað tómatpestó
2 msk. balsamedik
2-3 hvítlauksgeirar
7 basilíkublöð eða 2 tsk. þurrkuð
1 tsk. nýmalaður pipar
1 dl olía
Setjið allt nema olíu í matvinnsluvél og maukið vel saman. Hellið þá olíunni í mjórri bunu í vélina og látið hana ganga á meðan.
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson