Grillað lambakjötssalat

Ljúffengt, heitt eða volgt lambakjötssalat, sett saman undir áhrifum úr ýmsum áttum. Best er að nota hryggvöðva (file) í salatið en einnig mætti nota t.d. innlærvöðva og grilla hann þá heldur lengur.

table with empty plate, a knife and fork onto a napkin and a small bowl with salt in it

Hráefni

 600 g lambahryggvöðvi
 1 msk 1001 nótt lambakrydd frá Pottagöldrum
 nýmalaður pipar
 salt
 1 meðalstór sæt kartafla
 2 msk ólífuolía
 250 g blönduð salatblöð
 1 rauðlaukur, skorinn í þunnar sneiðar
 0.5 gúrka, skorin í litla bita
 200 ml hreint skyr
 1 hvítlauksgeiri, saxaður smátt
 2-3 msk fersk mintulauf, söxuð

Leiðbeiningar

1

Kjötið kryddað með lambakryddblöndu, pipar og salti. Grillið hitað og ofninn hitaður í 200 gráður. Sæta kartaflan afhýdd og skorin í teninga, um 1 cm á kant. Þeim er svo raðað á álpappírsklædda bökunarplötu, kryddað með ögn af pipar og salti og olíunni ýrt yfir. Sett í ofninn og bakað í um 10 mínútur, eða þar til kartöflurnar eru orðnar meyrar og farnar að taka lit. Á meðan er kjötið grillað við góðan hita í 3-5 mínútur á hvorri hlið, eftir smekk. Látið standa í nokkrar mínútur. Salatblöðum, rauðlauk og gúrkubitum blandað saman á fati. Skyr, hvítlaukur og minta hrært saman og kryddað með pipar og salti. Hellt yfir salatið og blandað. Kjötið skorið í þunnar sneiðar og dreift yfir salatið ásamt kartöfluteningunum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​