Grillað lambainnralæri með sítrónutímíani

Eitt vinsælasta hráefnið á grillið er án efa íslenska lambakjötið. Það er bragðgott, mátulega feitt og svo er líka auðvelt að grilla það.  Það er alltaf hægt að slá í
gegn með lambakjöti sama hvert tilefnið er, það á alltaf við og verður alltaf hinn
klassíski, íslenski grillmatur.  Hér er uppskrift úr smiðju Úlfars Finnbjörnssonar, matreiðslumeistara sem birtist í Grillblaði Gestgjafans 2007.

table with empty plate, a knife and fork onto a napkin and a small bowl with salt in it

Hráefni

 2 lambainnlæri, skorin í 2 ½ cm þykkar sneiðar
 ½ dl olía
 1 dl sítrónutímíanlauf
 2-4 hvítlauksgeirar, pressaðir
 1 tsk. nýmalaður pipar
 2 msk. steinselja, smátt söxuð
 Maldon-salt

Leiðbeiningar

1

Setjið allt nema salt í skál og geymið í 2-12 klst. í kæli.

Sítrónutímíansósa:
2 dl sýrður rjómi
2 msk. majónes
2 msk. sítrónusafi
1 msk. hunang
1-2 msk. sítrónutímíanlauf
1-2 msk. steinselja, smátt söxuð
½ tsk. pipar
1 tsk. salt

Setjið allt í skál og blandið vel saman.

Strjúkið megnið af kryddleginum af kjötinu og grillið á vel heitu grilli í 2-3 mín. á hvorri hlið.

Berið kjötið fram með sósunni, blönduðu grænmeti og kartöflum.

2
Uppskriftin er úr Gestgjafanum. Umsjón: Úlfar Finnbjörnsson Myndir: Kristinn Magnússon Stílisti: Gerður Harðardóttir

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​