Grillað lambainnralæri með rósmaríni, sítrónu, hvítlauk og chili

Eitt vinsælasta hráefnið á grillið er án efa íslenska lambakjötið. Það er bragðgott, mátulega feitt og svo er líka auðvelt að grilla það. Það er alltaf hægt að slá í gegn með lambakjöti sama hvert tilefnið er, það á allt-af við og verður alltaf hinn klassíski, íslenski grillmatur. Hér koma nokkrar gómsætar uppskriftir úr þessu frábæra hráefni úr maí tölublaði Gestgjafans 2011.

table with empty plate, a knife and fork onto a napkin and a small bowl with salt in it

Hráefni

 800 g lambainnralæri
 safi og fínt rifinn börkur af 1 sítrónu
 2-3 msk. rósmarínnálar
 2-3 hvítlauksgeirar
 ½ msk. chili-flögur
 1 dl olía
 1 tsk. nýmalaður pipar
 ½ dl hvítvín, má sleppa

Leiðbeiningar

1

Setjið allt í poka og blandið vel saman.

Setjið pokann í skál og geymið í kæli í 12 klst.

Strjúkið þá megnið af vökvanum af kjötinu og grillið á meðalheitu grilli í 12-15 mín.

Snúið kjötinu reglulega á meðan og saltið.

2

Rósmarín- og sítrónusósa:

3

1 ½ dl majónes
1 ½ dl sýrður rjómi
1 dl ab-mjólk
1 msk. hunang
1 msk. fínt rifinn sítrónubörkur
1-2 msk. sítrónusafi
3 msk. steinselja, smátt söxuð
2 tsk. rósmarínnálar, fínt saxaðar
salt og nýmalaður pipar

Setjið allt í skál og blandið vel saman.

4
Uppskriftin er úr Gestgjafanum. Umsjón: Úlfar Finnbjörnsson Myndir: Kristinn Magnússon Stílisti: Guðrún Vaka Helgadóttir

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​