Gljáð hátíðarlamb með pistasíuhnetum, hunangi, ananas og rauðum perlum

Gljáð hátíðarlamb með pistasíuhnetum, hunangi, ananas og rauðum perlum
table with empty plate, a knife and fork onto a napkin and a small bowl with salt in it

Hráefni

 2 lambalæri
 4 dl hunang
 4 dl vatn
 200g pistasíuhnetur
 krydd á hnífsoddi: Malaðar kardímommur, kanill, pipar, malað og ristað kúmen, karrí,
 10 msk hakkaður eða saxaður ananas
 1 msk sjávarsalt
 1 msk heill rósapipar (rauðar perlur)
 Eplaturn á blöðrukáli
 12 smá epli
 hrátt hangikjöt 2-3 sneiðar í hvert epli
 400 g rjómaostur
 2 msk rifin piparrót
 2 msk hunang
 3-4 greinar fersk mynta
 smjör
 sykur og blöðrukál
 Trönuberjasósa
 1 l trönuberjasafi
 kanilstöng
 1 l kjötsoð
 2 dl rauðvín
 100 g trönuber

Leiðbeiningar

1

Skerið gróft munstur í lærið í líkingu við taflborð. Nuddið með salti og pipar.

Bakið við 180 °C í 20 mín. Takið lærið út og látið standa í 15-20 mín.

Saxið pistasíuhnetur (ekki of smátt).

Sjóðið vatn og hunang í potti ásamt kryddi.

Setjið pistasíur og sjávarsalt útí í lokin.

Dreifið helmingnum ofan á lærið og bakið lærið áfram í 30 mín. eða þar til kjarnhiti er orðinn 58-61°. Leyfið lærinu að hvíla í minnst 10 mín.

Smyrjið svo með afgang­inum af vökvanum og berið fram.

Eplaturn á blöðrukáli (1 turn á mann)
Skerið toppinn af epli, kjarnhreinsið og skerið restina í þrjár til fjórar sneiðar og steikið í smjöri og smá sykri.

Blandið saman rjómaosti, piparrót, hunangi og saxaðri myntu og smyrjið á 3 eplasneiðar.

Leggið hangikjöt á milli og raðið upp, efst kemur eplalokið með stöngli. Einnig má setja salat með.

Skerið blöðrukálið hringlaga og sjóðið í saltvatni í 3 mín. Snöggkælið og hitið svo upp með góðri olíu.

Trönuberjasósa
Sjóðið niður safa og vín með kanilstöng þar til 1/3 er eftir af vökvanum, bætið kjötsoði við og sjóðið áfram þar til góðu bragði er náð.

Bætið trönuberjunum í sósuna rétt áður en borið er fram. Sjóðið ekki.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​