Fjallalamb á veisluborðið

Ljúffengt lambalæri á veisluborðið, kryddað með villtum íslenskum kryddjurtum, t.d. blóðbergi. Bragðið verður einstaklega milt og gott en hefur um leið þennan íslenska jurtakeim sem allir kunna að meta.

table with empty plate, a knife and fork onto a napkin and a small bowl with salt in it

Hráefni

 1 lambalæri, um 2.2 kg
 3 msk. blóðbergsteblanda (nota má aðrar villtar kryddjurtir eða kryddjurtablöndur eftir smekk)
 1 msk. ferskt tímían, saxað
 3 hvítlauksgeirar, saxaðir
 1 tsk. svört piparkorn
 3 msk. ólífuolía
 2 msk. rauðvín, eða vatn og 1 tsk. rauðvínsedik
 2 msk. olía í steikarfatið
 salt
 1-2 msk. vínedik

Leiðbeiningar

1

Fitusnyrtið e.t.v. lambalærið svolítið og stingið í það með beittum hnífsoddi á nokkrum stöðum. Blandið saman þurrkuðum og ferskum kryddjurtum, hvítlauk og pipar og steytið saman í mortéli, eða saxið kryddið og hvítlaukinn smátt með hníf og malið piparinn í kvörn. Hrærið olíu og rauðvíni saman við. Núið blöndunni jafnt á allt lærið, vefjið það inn í álpappír og látið liggja í tvo sólarhringa í ísskáp. Takið það þá út, setjið í olíuborið steikarfat og látið standa í um 1 klst. Hitið á meðan ofninn í 220°C. Saltið lærið, setjið það í ofninn og steikið í um 20 mínútur, eða þar til það hefur tekið nokkuð góðan lit. Lækkið þá hitann í 160°C og steikið áfram í klukkustund eða lengur, eftir smekk, eða þar til kjöthitamælir sem stungið er í vöðvann þar sem hann er þykkastur sýnir 60°C fyrir meðalsteikt, 70°C fyrir gegnsteikt. Dreypið edikinu yfir lærið þegar 10-15 mínútur eru eftir af steikingartímanum. Takið lærið þá út og látið bíða á hlýjum stað í u.þ.b. 20 mínútur áður en það er borið fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​