Bakað lambalæri með graskeri, rósakáli og kryddjurtum

Hráefni

1 lambalæri, helst án lykilbeins

1 msk. olía

salt og nýmalaður pipar

1-2 hvítlauksgeirar, pressaðir

1 tsk. tímían

Penslið lambalæri með olíu og kryddið með salti, pipar, hvítlauk og tímíani.

Grasker, rósakál og kryddjurtir

½ dl olía

400 g grasker, skrælt og steinhreinsað og skorið í 1 cm þykkar sneiðar

10 tímíangreinar eða 2 tsk. þurrkað tímían

5 rósmaríngreinar eða 2 tsk. þurrkað rósmarín

10 salvíublöð eða 1 tsk. þurrkuð salvía

10 hvítlauksgeirar óskrældir

salt og nýmalaður pipar

20 rósakálshöfuð, soðin í saltvatni í 3 mín. og síðan snöggkæld í köldu vatni

Setjið olíu í skál ásamt graskeri, tímíani, rósmaríni, salvíu, hvítlauk, salti og pipar, blandið vel saman og setjið í ofnskúffu.

Leggið lambalærið ofan á og bakið í 180°C heitum ofni í 60-80 mín.

Bætið rósakáli í ofnskúffuna og bakið í 10 mín. til viðbótar.

Berið fram með t.d. steiktum kartöflum og bérnaise-sósu.

Bérnaise-sósa

4 eggjarauður

400 g bráðið smjör

1-2 msk. bérnaise-essens

1 msk. fáfnisgras (esdragon)

1 tsk. kjötkraftur

½ tsk. worcestershire-sósa

salt og nýmalaður pipar

Setjið eggjarauður í skál og þeytið yfir heitu vatnsbaði þar til þær eru orðnar léttar og ljósar.

Hellið smjöri saman við í mjórri bunu og þeytið vel í á meðan.

Smakkið til með bérnaise-essens, fáfnisgrasi, kjötkrafti, worcestershire-sósu og salti og pipar.

Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson