Ástralskt lambakjötssalat
Ástralir standa framarlega í nútímalegri matreiðslu á lambakjöti og í matargerð þar í landi er gjarna að finna mjög sterk áhrif frá matargerð Suðaustur-Asíu. Þetta frísklega lambakjötssalat er dæmi um slíkt.
- 4
Hráefni
750 g lambahryggvöðvi (file), með eða án fitu
1 msk olía
nýmalaður pipar
2 límónur
2 msk nam pla (tælensk fiskisósa)
2 msk sojasósa
2 hvítlauksgeirar, saxaðir smátt
1 rautt chilialdin, fræhreinsað og saxað smátt
3 msk hvítvín
Leiðbeiningar
1
Ofninn hitaður í 220 gráður, kjötið penslað með olíu, kryddað með pipar og steikt í um 10 mínútur en síðan látið standa undir álpappír í 5-10 mínútur. Börkurinn rifinn af límónunum og safinn kreistur úr þeim. Sett í skál og nam pla, sojasósu, hvítlauk, chili og hvítvíni hrært saman við. Látið standa smástund. Kjötið skorið í þunnar sneiðar sem velt er upp úr sósunni og síðan bornar fram á salatblöðum sem aðalréttur,forréttur eða á smáréttaborðið.