Asískar núðlur með lambi
five spice, sesam, pak choi og spergilkáli
- 15 mín
- 4
Hráefni
300 gr lambahakk
150-200 gr eggjanúðlur
2 msk sesam olía
1 tsk five spice kryddblanda
2 msk sesamfræ
1 tsk chili flögur
2 msk soya sósa
3 hvítlauksgeirar, saxaðir
½ spergilkál, skorið í hnappa
100 gr Pak choi (eða spínat)
4 vorlaukar, hvíti hlutinn sneiddur
Leiðbeiningar
1
Hitið víða pönnu og helming sesamolíunnar.
2
Steikið hakkið á háum hita í 5 mínútur, hrærið reglulega í á meðan.
3
Hrærið five spice, chili flögum, soyasósu og sesam fræjum saman við, lækkið hitann og eldið í 1 mín til viðbótar. Takið af pönnunni og geymið í skál til hliðar, pannan fer beint á helluna aftur á meðalhita.
4
Hitið afganginn af sesamolíunni og svissið í u.þ.b 2 mínútur hvítlauk, spergilkál, pak choi og megnið af vorlauknum.
5
Eldið núðlurnar samtímis samkvæmt leiðbeiningum á pakkanum, sigtið og bætið á pönnuna ásamt hakkblöndunni, hitið og blandið vel, stráið vorlauk yfir og berið fram asískar lambanúðlur.