Appelsínugljáður lambavöðvi

Meyr og gómsætur lambavöðvi, gljáður með appelsínumarmelaði og bakaður í súr-sætri appelsínu-balsamedikssósu. Uppskriftin er ættuð frá Ástralíu. Í staðinn fyrir lambavöðva mætti vel nota kindainnlæri, það er ekki síðra. Tilvalin Páskasteik.

table with empty plate, a knife and fork onto a napkin and a small bowl with salt in it

Hráefni

 1 kg lambainnlærvöðvi (3 bitar)
 2 appelsínur, stórar
 1 dl appelsínumarmelaði
 2 msk. balsamedik
 1 msk. hunang
 1 msk. sojasósa
 2-3 hvítlauksgeirar
 1tsk. paprikuduft
 nýmalaður pipar
 salt

Leiðbeiningar

1

Setjið kjötið í skál. Kreistið safann úr annarri appelsínunni og hrærið honum saman við marmelaði, balsamedik, hunang og sojasósu. Saxið hvítlaukinn smátt og blandið honum saman við ásamt paprikudufti og pipar. Hellið leginum yfir kjötið og veltið því upp úr honum.

2

Látið standa í kæli í nokkrar klukkustundir og snúið kjötbitunum öðru hverju.

3

Hitið ofninn í 200°C.

4

Takið kjötbitana úr leginum, saltið þá og raðið þeim í eldfast fat. Skerið eina appelsínu í 12 báta og raðið þeim í kring. Hellið appelsínuleginum yfir.

5

Setjið í ofninn og steikið í um hálftíma, eða þar til kjarnhitinn í kjötinu er 55-65°C, eftir því hversu mikið steikt það á að vera. Ausið leginum yfir það tvisvar eða þrisvar og snúið e.t.v. appelsínubátunum.

6

Leggið kjötið á bretti, breiðið álpappír lauslega yfir og látið standa í nokkrar mínútur, áður en það er skorið í sneiðar og borið fram ásamt appelsínusósunni og appelsínunum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​