Amerísk grillsósa

Þessi ameríska grill- eða barbecue-sósa er mjög góð á kótelettur og lærissneiðar. Hana má nota bæði til að pensla lambakjötið á meðan það grillast og bera hana fram með. Einnig má láta kjötið marínerast í henni en þá er best að skafa sem mest af sósunni af kjötinu áður en það er sett á grillið og pensla svo aftur með henni skömmu áður en það er tekið af til að minni hætta sé á að það brenni.

table with empty plate, a knife and fork onto a napkin and a small bowl with salt in it

Hráefni

 1 laukur
 2-3 hvítlauksgeirar
 2 msk olía
 350 ml tómatsósa
 4 msk eplaedik (cider vinegar)
 2 msk worcestersósa
 4 msk púðursykur
 0.5 tsk chilipipar, eða eftir smekk
 nýmalaður pipar
 salt

Leiðbeiningar

1

Laukurinn saxaður smátt og hvítlaukurinn pressaður. Látið krauma í olíunni í nokkrar mínútur án þess að brúnast. Þá er öllu hinu hrært saman við og sósan látin malla í 15-20 mínútur við hægan hita.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​