Lambakebab með kíví
Kívíið sem notað er í marineringuna inniheldur kjötmeyriefni sem getur gert kjötið of meyrt ef það er látið liggja of lengi – 1 klst er hámark.
- 4
![Pottur og diskur](https://islensktlambakjot.is/wp-content/uploads/2021/03/tomt.jpg)
Hráefni
7-800 g lambakjöt í teningum
1 kívíaldin
2 hvítlauksgeirar, pressaðir
2 msk sojasósa
2 msk hvítvín eða sjerrí
2 msk ólífuolía
nýmalaður pipar
Leiðbeiningar
1
Kjötið sett í skál. Kívíið skorið í tvennt, allt aldinkjötið skafið úr því og stappað vel og síðan er öllu hinu hrært saman við. Blandað saman við kjötið í skálinni og látið standa við stofuhita í um hálftíma. Á meðan er grillið hitað. Síðan er kjötið tekið úr leginum og þrætt á teina. Grillað við góðan hita í 7-10 mínútur og snúið nokkrum sinnum á meðan.