Steiktar lærissneiðar með sólþurrkuðu tómatpestói

Hráefni

3 msk. olía

1 msk. basil, þurrkað

1 msk. tímían, þurrkað

3 hvítlauksgeirar, pressaðir

salt

nýmalaður pipar

1 kg lambalærisneiðar

Sólþurrkað tómatpestó:

1 krukka sólþurrkaðir tómatar með olíu

1 tsk. tímían (garðablóðberg) þurrkað

1 msk. basilíka, þurrkað

1-2 hvítlauksgeirar

½ tsk. svartur pipar

1 msk. hunang

2 msk. balsamik-edik

½ tsk. salt

Setjið allt í matvinnsluvél og maukið.

Blandið saman í litla skál olíu, basil, tímíani, hvítlauk, salt og pipar.

Nuddið blöndunni vel saman við kjötið og steikið síðan á grillinu eða meðalheitri pönnu í 5-7 mínútur hvora hlið.

Berið kjötið fram með tómatpestói og t.d. blönduðu grænmeti og kartöflum.