Bláberjamarinerað lambalæri
með rósakáls- og kartöflusalati & frískandi gúrku- og piparrótarsósu
- 2 klst.
- 6
Hráefni
Lambalæri með bláberjum
1 stk. lambalæri
50 ml matarolía
50 gr aðalbláber
ferskt timían
salt og pipar
Rósakáls og kartöflusalat
600 gr litlar kartöflur soðnar
200 gr rósakál
200 gr smjör
100 gr valhnetur
2 msk graslaukur fínt skorinn
salt og pipar
Gúrku og piparrótarsósa
200 gr sýrður rjómi 18%
100 gr gúrku relish
10 gr piparrót
salt
Leiðbeiningar
1
Njóttu samverunnar með þínu uppáhalds fólki og eldaðu þessa einföldu uppskrift af alíslensku lambalæri með bláberjum um jólin.
Lambalæri með bláberjum
2
Hitið ofninn í 180°C, skerið nokkrar grunnar raufar í lærið. Grófsaxið tímían og merjið bláberin og blandið við olíuna. Nuddið blöndunni á lærið og kryddið með salti og pipar. Eldið í u.þ.b. 1 1/2 klst. Eða þar til kjarnhiti nær 65°C. Hvílið í 15 mín áður en lærið er skorið.
Rósakáls og kartöflusalat
3
Ristið valhnetur á bakka í ofni á 160°C í 10 mín, skerið kartöflur í tvennt. Snyrtið rósakálið og rífið niður í lauf. Setjið kartöflur á heita pönnu með smjöri, látið smjör og kartöflur byrja að brúnast og bætið þá rósakáli, valhnetum og graslauk út í. Kryddið til og berið fram.
Gúrku og piparrótarsósa
4
Blandið saman í skál og kryddið með salti.