Upprunamerki Íslensks lambakjöts

Upprunamerki Íslensks lambakjöts stendur fyrir tryggan uppruna og úrvinnslu afurða, framleiðendum og neytendum til heilla. Það hefur sannað gildi sitt á fyrstu fimm árum starfseminnar, enda byggir það á reynslu sannreyndra fordæma erlendis frá.

Merkið er liður í markaðssetningu á íslensku lambakjöti bæði hérlendis og erlendis. Meðal annars er unnið með veitingastöðum að því að gera íslenskt lambakjöt sýnilegra á matseðlum, heimasíðum og samfélagsmiðlun. Notkun merkisins á neytendaumbúðum er hafin. Við leggjum samstarfsaðilum til markaðsefni, sem auðveldar þeim að segja söguna af okkar einstaka gæðahráefni.

Opnar á alþjóðlega vottun

Lambakjöt er eina íslenska matvaran sem hefur fengið íslenska upprunatilvísun. Það gefur færi á afar vel þekktri evrópskri upprunamerkingu, Protected Designation of Origin, sem margar þekktustu matvörur Evrópu skarta. Umsókn um merkið er í afgreiðsluferli.

PDO-vottunin eykur virði afurða og stuðlar að neytendavernd. Kannanir hafa mælt að evrópsk upprunavottun geti hækkað kaup og greiðsluvilja íslenskra neytenda um 10-15%.

Viðbrögð við merkinu

Upprunamerkið var formlega kynnt í janúar 2017 og auglýst til ferðamanna í samstarfi við veitingahús. Áhersla er lögð á uppruna, sérstöðu og gæði í miðlun til þessa markhóps. Alls hafa verið gerðir yfir 250 samstarfssamningar við veitingahús og sérverslanir frá 2017.

Kannanir sýna:

  •  5% aukningu á neyslu ferðamanna á lambakjöti fyrstu 3 árin, 2017-2019*
  • 15% aukningu á neyslu ferðamanna á lambakjöti 2017–2021**
  • að 16-20% sölumagns innanlands 2019 megi rekja til ferðamanna, en ætla má að hlutfall af heildsöluverði sé mun hærra***

*Gallup 2017-2019
** Gallup 2017-2021
*** Samanburður Gallup 2017-2019 samanborið við sölufall innanlands v. Covid 2020.

Tæp 70 % ferðamanna 2021 borðuðu lambakjöt í heimsókninni. Þeir sem þekktu merki Íslensks lambakjöts og skildu merkinguna voru mun líklegri til að neyta lambakjöts oftar en einu sinni. Það má telja viðurkenningu á gagnsemi markaðssetningar Íslensks lambakjöts, en ekki síður á gæðum afurðanna.

Innanlandsmarkaður

Í markaðsrannsókn Gallup á innanlandsmarkaði frá júlí 2021 kemur fram að:

  • 29% segjast myndu greiða meira fyrir staðfestingu á því að lambakjötið sé sannarlega íslenskt
  • Kaup- og greiðsluvilji mælist 10-15% hærri fyrir íslenskt lambakjöt með uppruna- og gæðamerkingu eins og PDO.
  • Tæp 90% telja upprunamerkingar mikilvægar
  • 80% segjast frekar velja kjötvöru með upprunatilvísun
  • 28% eru tilbúin að greiða meira fyrir vörur með upprunatilvísun
  • 63% óska þess að innlendar matvörur verði upprunamerktar
  • aðeins 25% svarenda treysta því að lambakjöt í íslenskum verslunum sé alltaf íslenskt

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​